--------------------------------------------------------------------------------
السلام عليكم
شلونكم ؟؟
هذه قصة حصلت لرجل من المدينة المنورة يبلغ من العمر مايقارب 48 سنه
إليكم القصة باختصار
قدر الله على هذا الرجل وأصابه فشل كلوي
وتبلغ الخبر بنفس صابرة مؤمنة بالله عز وجل
بعد أن اخبره الطبيب بأنه مصاب بفشل كلوي
خافوا أولاده عليه وقالوا له نبي نتبرع لك بكلية
لكن الأب رفض وقال لا تفتحون الموضوع بالمرة مستحيل احد فيكم يتبرع لي
المهم الأولاد خايفين على أبوهم
أسالو يمين يسار المهم قالوا لازم نشوف لنا حل
اقترح احد أصدقاء الأبناء بان يذهبون لدولة مصر ويشترون كليه مقابل المال
طبعا حالتهم المادية لا بأس عليها
راحوا للوالد المصاب بالفشل الكلوي واقترحوا عليه ورفض الأب
لكن بعد إصرار من الأبناء وافق
حجزوا طيران وراحوا مصر
المهم وصلوا مصر
اسالو الأطباء هناك اسالو كيف الحل
قال لهم الأطباء لازم يتبرع له احد
المهم اخذوا تحاليل منه وسوو له فحوصات
بعد كم يوم قالوا الأطباء فيه شخص بيتبرع لك بكلية بشرط تدفع له 70 ألف جنيه مصري
الأبناء وافقوا والأب قال موافق
دفعوا الأبناء المبلغ للشخص 70 ألف جنيه مصري
بعدها بيوم قال الأب أنا بشوف الشخص اللي تبرع لي قالوا له مو لازم تشوفه
خلاص الحمد لله لقينا اللي يتبرع
قال الأب لازم أشوفه ودي اشكره على اللي سواه معي
بعد إلحاح شديد من الأب وافقوا الأبناء
آخذو الأب للشخص اللي بيتبرع له بكلية قبل ما يسوي العملية
دخل عليها الغرفة وإنها بنت 17 سنه
قالوا له الأبناء هذه اللي بتتبرع لك بكلية
أنصدم الأب بالموقف
انشل لسانه عن الكلام
لم يتخيل أنها بنت في عمر الزهور
طيب ليش تبرعت لي
مين اجبرها على كذا
و ليش ؟
أتعرفون ما الذي اجبرها على بيع كليتها
انه الفقر
إيه نعم الفقر
هذه الفتاه تعول أخوها وأختها الصغرى بعد وفاة أبيها وأمها
أصابهم الفقر الشديد اللي جعلها تبيع كليتها
المهم
تعرفون وش صار في الرجل
الرجل قال والله ما سوي العملية
انصدمو الأبناء قالوا ليش
قال والله ما سويها لو يصير اللي يصير
حاولوا الأبناء في الأب لكن رفض
طيب يا أبوي المبلغ اللي دفعناه
قال الأب والله ما خذه ولا ابغاه حلال عليها
ويحرم علي حرمة البنت على أبوها
وحجزوا الأبناء والأب على السعودية
وصلوا السعودية
بعد شهرين سوا الأب فحوصات في مستشفى خاص قالوا له
ما فيك شي لا فشل كلوي ولا هم يحزنون
الأب ما اقتنع بنتيجة الفحوصات
راح مستشفى ثاني وسوى فحوصات وقالوا له ما فيك شي
الأب استغرب من الموضوع وراح للمستشفى اللي اكتشف فيه المرض أول شي
وقالوا له نفس الكلام
سوى فحوصات خارج السعودية وقالوا له ما فيك شي أنت سليم ما فيك شي
طبعا الحين بتقولون انه خطا طبي
ولكن الموضوع ما كان خطا طبي
شفاه الله وعافاه
وقدرة الله فوق كل شي
لكن هذا الشخص فرج كربة عن مسلم
فرج عن الفتاه ذات 17 سنه
ففرجها الله عليه وعافاه بسببها
الله اكبر
قدرة الله فوق كل شي
منقوووووووووووووووول